Hispania Europae terminos claudit; hanc veteres ab Hibero amne primum Hiberiam, postea ab Hispalo Hispaniam cognominaverunt. Hispania inter Africam et Galliam sita est; mare Oceanus et Pyraenaei montes eam claudunt. Temperato calore et felicibus tempestivisque imbribus in omnia frugum genera fecunda tellus est. Non frumenti tantum magna copia est, verum et vini, mellis oleique.Amnes placido cursu et saepe divites auro sunt.